Transcription
1
Monseigneur, il y a quelques jours passés que nommé le cappitaine La Roche me trouva
2
et me demanda certains beufz que ledit La Roche dict luy avoier esté prins auprès de
3
Grane, croyant que les luy avoy vollé et que falloit que les luy rendisse, ou aultrement
4
me cousteroyt la vie. Monseigneur, craignant ennuier voz seigneuries, vous supplieray entendre
5
le discourtz du faict. C’est que certain jour duquel ne me souvient, estoyt toutesfoys
6
au commancement de juing, voz seigneuries estant à Livron où avoint faict quelque
7
séiour, vollurent aller voier ladite Grane et la cituation d’icelle où il estoit, estant vous
8
seigneuries accompagnées de feu monsieur de Size, les capitaines Bonifaces et le chevalier de La
9
Mothe. Moy vous guidant, fut faicte quelque sortie par ceulx du capitaine Vallavoire
10
qui estoyt dans ladite Grane (à qui avoyt rendu à bailhe le lieu dudit Grane ledit La
11
Roche) et vous fut tiré plusieurs coups d’harquebuse, tellement qu’on vous cuida
12
en dommaiger et blaisser votre cheval. Mesmement que ledit seigneur de Size vous pria
13
vous retirer ung peu, et ung peu devant, les beufz dudit La Roche sortirent qui
14
furent prins par ledit sieur capitaine Chevallier et menés audit Livron. Et par ce que
15
je estoy, vous guidant (comme de debvoier et obéissant, monseigneur, que je doibz à voz
16
seigneuries), ledit La Roche m’a aggassé, me menassent non de me battre, ains me tuer,
17
ne se sentant barre sur ledit sieur capitaine Chevallier, soyt que bien scaché que ledit Chevallier
18
ay eu lesdits beufz, que furent bien prins. Et craignant, monseigneur, tumber
19
en tiel inconvénient et vollant obvier à tout danger, jay vollu supplier très humblement
20
votre singulière humanité que voz seigneuries ont eu en ma pauvretté, me cognoiscent
21
tout tel que je demeuray très humble et obéissant à jamais voz faire très humble
22
servisse, vous portant telle obéisance que je voz doibz, voloier avoier pitié et souvenance
23
de moy. Pitié diz-je, affin de ne tumber en tiel inconvenient par ledit La Roche.
24
Souvenance de la perte, ruine et de noz grandes maladies que par liniure des inobéissantz,
25
tant noz, que les genz dhonneur, de bien et obéisantz ont souffert. car, allent
26
sus noz petis affaires et n’ausent porter espée, je ne diray aultres armes, je
27
craingz trouver ledit La Roche qui, jà m’aient ainsi menassé, ne me face tort
28
et iniure. Parquoy, monseigneur, vous supplieray très humblement, comme mesme
29
celluy qui est mon reffuge et secours, m’aient cognu tout tiel que je demeuray
30
très humble et très obéisant soubz votre main et puissance, voloier faire entendre vostre
31
pouvoier et volanté audit La Roche, me rendray de plus en plus très affectioné (comme
32
très pauvre obéisant et bien humble serviteur) à vous commandementz, obéisances, en
33
supplient très humblement le Créateur
34
Monseigneur, pour vostre prospériteur et grandeur, saincte félice donner longue et heureuse
35
vie . De vostre maison à Valence, ce septiesme jullet 1572, par
36
Votre très humble et obéisant serviteur
37
La Gamonière